Út í hött......

Í tíð núverandi meirihluta hafa skuldir bæjarins amk. þrefaldast, úr ca. 700milljónum í tæpa 3 milljarða, til að takast á við þetta er að sjálfsögðu gert það sem íhaldinu fer alltaf best, níðst á þeim sem minnst mega sín....

 

....skammist ykkar..... Gunnar, Þórður, Sæmundur, Karen og Eydís.....

Góðar stundir.


mbl.is Samningur samþykktur en bæjarstarfsmenn reiðir
Tilkynna um óviðeigandi tengingu við frétt

Að sjálfsögðu ekki.

                                           

riberyÞað er hægt að kaupa hálft lið af toppklassa leikmönnum fyrir þessa fáránlegu upphæð, fyrst að prímadonnan gat ekki hugsað sér að vera lengur hjá stærsta félagsliði í heimi er þetta frábær díll.

Ég skýt á að peningarnir verði notaðir í kaup á Ribery, Bensema (eða hvað hann heitir) og til að ganga frá kaupum á Tevez, eins væri ekki slæmt að fá eins og einn sterkan varnarmann í hópinn í viðbót, Johnny Evans er ekki alveg að gera sig. 


mbl.is Engin skelfing hjá United við brotthvarf Ronaldos
Tilkynna um óviðeigandi tengingu við frétt

Laudrup er á lausu.

Olsen og Laudrup

Jæja þetta er orðið gott í bili, það er komin tími til að KSÍ opni budduna og ráði alvöru útlending í þetta jobb, tilraunastarfið með íslenska meðaljóna er ekki að skila árangri.

KSÍ á nógan pening og ætti að sjá sóma sinn í því að fá hingað alvöru þjálfara.

Leikurinn á laugardaginn og þá sér í lagi fyrri hálfleikur var skelfilegur og í dag drulluðu menn gjörsamlega uppá hnakka þeir voru svo lélegir, það þýðir ekkert að kenna hitanum um það var nefnilega sami hiti hjá hinu liðinu, liði sem var ekki uppá marga fiska. 

Gunnleifur stóð uppúr í dag, eins og á laugardaginn. Brynjar Björn átti ágæta spretti sem og Emil á köflum í fyrri hálfleik, Arnór var frískur framan af. Pálmi Rafn hvað er hann að gera í landsliðinu, ég er ekki viss um að hann kæmist í kvennalið Vals miðað við frammstöðuna í síðustu tveim landsleikjum. Grétar Rafn úti að s.... mest allan leikinn. Kristján Örn og Sölvi voru ágætir í miðju varnarinnar, en maðurinn fyrir framan þá, gutlarinn úr Bröndby var ekki að eiga sinn besta dag (kannski er hann ekki betri en þetta), frekar en oft áður, eru virkilega ekki til betri miðjumenn en þetta. Jú, alveg rétt það er einn sem spilar í 5. sterkustu deild í evrópu, en Óli Jó er í fýlu útí hann, þannig að hann er ekki einu sinni í hópnum....

Common....

Ég vil sjá veg íslenskrar knattspyrnu sem mestan, þess vegna segi ég að við eigum að ráða alvöru útlending í jobbið.

Ekki einhverja tónahnappa eða sigheila.

Áfram Ísland.

Góðar stundir.

 


mbl.is Ísland tapaði í hitasvækju
Tilkynna um óviðeigandi tengingu við frétt

Þetta er með ólíkindum.....

Enn og aftur er gengið fram hjá Jóhannesi Karli.

Eins og uppstillingin var á liðinu í gær var aldrei spurning að við myndum tapa þessum leik, inn á miðsvæðinu voru Stefán Gíslason,  Pálmi Rafn og Helgi Valur allt leikmenn úr miðlungsliðum í skandinavíu meðan á bekknum sátu Brynjar Björn og Aron Einar leikmenn úr 5. sterkustu deild í heimi, leikmenn sem eru þekktir fyrir að gefa allt í það sem þeir eru að gera, enda sást það bersýnilega þegar Brynjar kom inná þá gjörbreyttist leikur Íslands, menn fóru að berjast og láta finna fyrir sér.

Það er með ólíkindum að ekki sé hægt að nota menn úr næst efstu deild Englands meðan miðlungsskápar úr Bröndby, Brann og Elfsborg er í byrjunarliðinu.....

.....já og að ógleymdum Bjarna Ólafi Eiríkssyni.... LOL.... ágætis úrvalsdeildarleikmaður á Íslandi en á alls ekki heima í landsliðinu.

Nú detta 5 út úr hópnum fyrir næsta leik og enn er farið í skandinavísku kistuna og náð í leikmenn úr miðlungs eða þaðan af verri liðum og gengið fram hjá Jóa Kalla sem á næsta ári spilar í ensku úrvalsdeildinni, ég veit ekki með aðra en mér finnst vera skítalykt af þessu.

Eitt enn með leikinn í gær, í upphafi var Eiður Smári einn frammi en um leið og Hollendingarnir skoruðu var hann færður til baka og Pálmi Rafn settur fram, semsagt það var enginn senter inná þangað til Arnór kom inná undir lokin.

 


mbl.is Ólafur kallar á fimm fyrir Makedóníuför
Tilkynna um óviðeigandi tengingu við frétt

Ef keyptur er stolin DVD spilari....

......er eins gott að vera við því búin að skila honum þegar upp kemst um þjófnaðinn, þannig lítur meirihluti þjóðarinnar á gjafakvóta kerfið.

Fiskurinn í sjónum er sameign þjóðarinnar, ekki einhverra fárra útvaldra, því er þetta réttlætismál sem nauðsynlegt er að leiðrétta, núna er tækifærið.

LÍÚ má gráta úr sér augun fyrir mér, sjávarútvegurinn er skuldugur sem aldrei fyrr, menn heimta afskriftir vegna slæmrar stöðu í kjölfar gengishruns, en bíddu við, þegar krónan var sterk vældu þessi grey afþví að þá var afurðaverðið of lágt vegna stöðu krónunnar, nú væla þeir vegna þess að krónan er of veik.

Ég held að þessir menn ættu að finna sér e-ð annað að gera, hér áður fyrr voru gengisfellingar ekki óalgengar til að bjarga sjávarútvegnum, nú er krónan fallinn um 100% og samt væla þeir.

Tökum af þeim kvótann á 20 árum og leyfum þeim að halda áfram að væla.

5% á ári gefur mjög góðan aðlögunartíma, því ættu kvóta eigendur ekki að geta leigt til sín þessi 5% sem þeir missa til baka á kannski 50-75kr. kílóið, fyrst að þeir ætlast til þess að leiguliði sem leigir af þeim í núverandi kerfi á 175-225kr. kílóið skili hagnaði....???

Litla greyið í Vinnslutöðinni í eyjum heldur því fram að einungis standi eftir 1,9kr af hverju kílói þegar allur kostnaður hefur verið greiddur, samt þurfa þeir ekki að leigja til sín kvóta, er virkilega einhver sem trúir þessu bulli.....???

Ef þetta er satt hvernig ætli kvótalausi útgerðarmaðurinn standi þá....??

 Góðar stundir.

 


mbl.is „Eigandinn heldur áfram að borga“
Tilkynna um óviðeigandi tengingu við frétt

Hvaða rugl er þetta......

Það sést greinilega á sjónvarpsmyndatökum að Carrick er á undan í boltann, það sést vel á þessu videoi, 2,09 min. Tottarar verða bara að sætta sig við að þetta var víti og að MU voru miklu í betri í seinni hálfleik, Man Utd hefðu sennilega unnið hvort sem Webb hefði dæmt víti eða ekki.

Frábært lið.


mbl.is Jenas: Webb kiknaði undan pressunni
Tilkynna um óviðeigandi tengingu við frétt

Hvalfjarðagöngin.

Það er einkennileg kosningabaráttan sem Sjálfstæðisflokkurinn rekur hér í NV-kjördæmi, það virðist vera þeim mikið kappsmál að benda á hvað aðrir flokkar hafa gert eða ekki gert í stað þess að auglýsa sig og sýna stefnu.

Frábært dæmi um þetta er auglýsing sem þeir hafa á bíl hér í bænum, með mynd af Guðbjarti Hannessyni og öðru Samfylkingarfólki við Hvalfjarðagöngin í síðustu kosningabaráttu með spurningunni "Hvar eru gjaldfrjálsu göngin Gutti?"

Í þessu tilefni er kannski rétt að benda á hverjir stoppuðu það mál.

Í stjórnarsamstarfi D og S var í þrígang reynt að koma þessu í gegn en alltaf stoppaði það á SJÁLFSTÆÐISFLOKKNUM, þingmönnum D lista í kjördæminu meðan allir aðrir þingmenn kjördæmisins voru hlynntir því að afnema gjaldið.  

Rökin voru þau að ekki mætti afnema gjaldið þar sem að þá væri búið að koma í veg fyrir gjaldtöku í öðrum göngum í framtíðinni, svo sem Vaðlaheiðargöngum og Norðfjarðagöngum.

Þannig að þeim frambjóðendum D lista sem spyrja að þessu ættu kannski frekar að spyrja sína eigin þingmenn hvar gjaldfrjálsu göngin eru.

kv.


 


Þorsteinn Erlingsson orti.

 

"Því sá sem hræðist fjallið
og einatt aftur snýr
fær aldrei leyst þá gátu
havð hinum megin býr"

 

Þetta hljómar eins og ESB andstæðingarnir sem ekki treysta sér á fjallið til að sjá hvað leynist hinu megin....

Góðar stundir


Velferðarbrú Samfylkingarinnar skilar góðu fylgi.....

.....sem ég reikna fastlega með að endurspeglist er talið verður uppúr kjörkössunum á laugardag og við fáum hér áframhaldandi félagshyggjustjórn undir styrkri stjórn Jóhönnu.

Hér eru nokkur atriði sem stjórnin hefur gert að veruleika þessa tæpu 80 daga sem hún hefur verið við völd, þrátt fyrir sandkassaleik stuttbuxnagengisins úr Valhöll.

Almennar aðgerðir:

  • Vaxtabætur hækka um allt að 55%. Heildarhækkunin frá fjárlögum 2008 er þá samtals orðin rúmlega 66%.
  • 10-20% lægri greiðslubyrði með greiðslujöfnun verðtryggðra lána
  • 40-50% lægri greiðslubyrði með greiðslujöfnun gengistryggðra lána
  • Möguleiki á að frysta allar afborganir í allt að 3 ár eða greiða aðeins vexti og verðbætur.
  • Séreignarsparnað má fá greiddan út, allt að 1 milljón á mann og 2 á hjón.
  • Dráttarvextir lækkaðir um 4%
  • Óskertar barnabætur þrátt fyrir skattaskuld

Sértækar aðgerðir fyrir heimili í miklum skuldavanda:

  • Greiðsluaðlögun þar sem skuldir eru afskrifaðar eða aðlagaðar greiðslugetu. Velferðarbrúin felur því í sér umtalsverðar afskriftir skulda heimilanna.
  • Frestun nauðungaruppboða fram í október.
  • Lengri aðfararfrestir, 40 dagar nú í stað 15.
  • Aukinn stuðningur við fólk sem kemst í greiðsluþrot.
  • Heimili ábyrgðarmanna varin og ábyrgð þeirra takmörkuð.

Nánar um innihald greiðsluaðlögunar

Greiðsluaðlögun fasteignaveðlána mætir þeim sem orðið hafa fyrir verulegu tekjufalli eða öðrum áföllum sem gera fólki ómögulegt að greiða af íbúðalánum. Þá er hægt að fá að greiða afborganir einungis í samræmi við greiðslugetu um nokkurra ára bil – hámark fimm ár – þar til hagur vonandi vænkast. Ef skuldsetning er verulega umfram verðmæti eignar við lok tímabilsins er heimilt að vissum skilyrðum uppfylltum að aflétta þeim veðum af eigninni sem umfram standa.

Greiðsluaðlögun felur í sér að skuldari sem ekki ræður við greiðslu skulda getur fengið umsjónarmann til að mæla fyrir um að kröfuhafar þurfi að sætta sig við að fá einungis greiddan þann hluta skulda sem skuldari getur staðið skil á. Ef skuldari stendur við sitt á greiðsluaðlögunartíma falla ógreiddar skuldir niður í lok tímans og skuldari er þá laus allra mála gagnvart kröfuhöfum. Þannig er bundinn endir á það fyrirkomulag að gjaldþrot elti skuldara út í hið óendanlega.

 

 

 


mbl.is S- og V-listar bæta heldur við
Tilkynna um óviðeigandi tengingu við frétt

Að skila auðu jafngildir stuðningi við sjálfstæðisflokkinn.....

Það er ljóst að eftir því sem fleiri skila auðu því meira vægi fá þau 25% atkvæða sem sjálfstæðisflokkur mun fá á laugardaginn, það gæti jafnvel skilað okkur stjórn með D innanborðs, þvert á vilja amk. 75% þjóðarinnar!

Því segi ég, EKKI láta atkvæði þitt detta niður dautt, taktu afstöðu og láttu atkvæði þitt skipta máli. 

Samfylkingin er eini flokkurinn sem hefur skýra ESB stefnu, sem vill leyfa þjóðinni að kjósa um aðildarsamning. 

Það er augljóst að þeir sem ekki vilja fara í aðildarviðræður treysta ekki fólkinu í landinu til að velja og hafna aðildarsamning.

LÍÚ og bændasamtökin hafa undanfarin ár rekið mikla áróðursherferð gegn aðild að ESB, Samfylkingin vill fá fulltrúa þessara samtaka með í þá ferð er farið verður í aðildarviðræður, þanng að sem hagstæðastur samningur náist fyrir aðila þessara tveggja undirstöðuatvinnuvega okkar.

Því segi ég ekki skila auðu, X við S er eini valkosturinn fyrir þá sem vilja fara í aðildarviðræður við ESB og ljóst að auður kjörseðill mun skila meira vægi til þeirra sem eru á móti því að leyfa þjóðinni að velja um þetta stóra hagsmuna mál.

Góðar stundir.

 


mbl.is Margir ætla að skila auðu
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband