Svona lítur sjávarútvegsstefna Samfylkingar út....

Eftirfarandi var samþykkt með yfirgnæfandi meirihluta atkvæða á landsfundi Samfylkingarinnar um sl. helgi.

Athyglisvert er að í sjávarútvegshóp á landsfundi voru þegar mest var hátt í 100manns, þ.e. álíka margir og voru á landsfundi Frjálslynda flokksins í Stykkishólmi nýlega.

 

---------------------------------------------------

 

Sáttagjörð um fiskveiðistefnu

Í samræmi við yfirlýsingu ríkisstjórnarinnar verði fiskveiðistefnan strax að loknum kosningum endurskoðuð í þeim tilgangi að skapa sátt við þjóðina um nýtingu auðlinda hafsins. 

Markmið stefnunnar er:

·         Að tryggja eignarhald og fullt forræði þjóðarinnar yfir auðlindum hafsins.

·         Að stuðla að atvinnusköpun og hagkvæmri nýtingu fiskistofna.

·         Að uppfylla skilyrði um jafnan aðgang að veiðiheimildum og uppfylla þar með kröfur mannréttindanefndar Sameinuðu þjóðanna.

·         Að auðvelda nýliðun í útgerð.

·         Að tryggja þjóðhagslega hagkvæma og sjálfbæra nýtingu fiskistofna.

Aðgerðir til að ná þessum markmiðum:

1.       Þjóðareign á sjávarauðlindum verði bundin í stjórnarskrá með samþykkt þess stjórnarfrumvarps sem nú liggur fyrir Alþingi. Markmið slíks ákvæðis um þjóðareign er að tryggja þjóðinni ótvíræð yfirráð allra sjávarauðlinda til framtíðar og fullan arð af því eignarhaldi.

2.       Stofnaður verður Auðlindasjóður sem sjái um að varðveita og ráðstafa fiskveiðiréttindum í eigu þjóðarinnar.

3.       Arður af rekstri Auðlindasjóðs renni einkum til sveitarfélaga og verði einnig notaður til annarra samfélagslega verkefna, s.s. haf- og fiskirannsókna. Kannaðir verði kostir þess að fela Auðlindasjóði jafnframt umsýslu annarra auðlinda í þjóðareign og felur fundurinn framkvæmdarstjórn að skipa starfshóp sem útfærir nánar tillögur um Auðlindasjóð.

4.       Allar aflaheimildir í núverandi fiskveiðistjórnunarkerfi verði innkallaðar eins fljótt og auðið er og að hámarki á 20 árum.

5.       Framsal aflamarks í núgildandi aflamarkskerfi verði einungis miðað við brýnustu þarfir.

6.       Auðlindasjóður bjóði aflaheimildir til leigu. Greiðslum fyrir aflaheimildir verði dreift á það ár sem þær eru nýttar á. Framsal slíkra aflaheimilda er bannað. Útgerðum verði gert skylt að skila þeim heimildum til Auðlindasjóðs sem þær ekki nýta.

7.       Frjálsar handfæraveiðar verði heimilaðar ákveðinn tíma á ári hverju. Sókn verði m.a. stýrt með aflagjaldi sem lagt verði á landaðan afla.

8.       Stefnt verði að því að allur fiskur verði seldur á markaði.

Jafnframt er því eindregið beint til stjórnvalda að þau hlutist til um að þar til ný stefna taki gildi ráðstafi fjármálastofnanir á vegum ríkisins ekki aflaheimildum án þess að setja skýra fyrirvara um endurskoðun slíkra samninga til samræmis við þá stefnu sem að framan er lýst.

 

 

---------------------------------------------------------

 

Það er ljóst að þegar þetta nær fram að ganga að þá lýkur einum mesta hörmungar kafla í íslenskum sjávarútvegi, þrælahaldi sjálfstæðis auðvaldsins lýkur.

 

kv.

 

 

 

Nauðsynlegt að breyta fiskveiðikerfinu

Athugasemdir

[Rögnvaldur Þór Óskarsson, 2.4.2009 kl. 12:15]

Það er mikill áhugi innan Samfylkingarinnar um sjávarútvegsmál, raunverulegri sameign þjóðarinnar. Af öllum góðum vil ég benda á fjórða mann á lista Samfylkingarinnar í NV, Þórður Már Jónsson. Hann bloggar á þessari síðu http://thordurmar.blog.is/blog/thordurmar/ 

[Einar Ben, 2.4.2009 kl. 14:55]

Það er rétt hjá þér Rögnvaldur, við Þórður Már erum einmitt að fara á kosningafund um sjávarútvegsmál á vegum Samfylkingarinnar í Ólafsvík í kvöld.

Ég hvet alla sem hafa áhuga á að kynna sér tillögur okkar að fjölmenna.

kv.

[Jens Guðmundur Jensson, 2.4.2009 kl. 17:50]

Í Guðs bænum framkvæmdu þetta !!!

Ef þú gerir það mun ég fyrirgefa þér hvað þú ert sögulaus.

Fyrir það fyrsta ræðst þú á Frjálslynda flokkinn fyrir slæga framgöngu í "stærsta hagsmuna og réttlætismáli Íslensku þjóðarinnar á seinni árum. Til viðbótar skellir þú skuldinni á Sjálfstæðisflokkinn fyrir að innleiða framsal og veðsetningar á aflaheimildum. En til að minna þig á hvað gerðist þá var framsalið samþykkt á Alþingi gegn öllum greiddum atkvæðum Sjálfstæðismanna þar. En með öllum greiddum atkvæðum Vinstri manna, þ.á.m. Steingríms J. og Jóns Baldvins, föður Samfylkingarinnar.

Það er góð regla þegar maður erfir eitthvað, hvort heldur sem er veraldleg verðmæti, eða bara málstað að hugsa með hlýju til þeirra sem öfluðu þessara verðmæta. Frjálslyndi flokkurinn var stofnaður um þennan málstað fyrir mörgum árum, en flokkurinn þinn er valdur að vandamálinu !!!

En þar sem Frjálslyndi flokkurinn hefur ekki megnað að veita málinu brautargengi, þá óska ég ykkur Samfylkingarmönnum alls hins besta. En sagan mun kveða upp sinn dóm, og skaðvaldarnir verða að fá sín eftirmæli.

[Hólmfríður Bjarnadóttir, 2.4.2009 kl. 21:32]

Sæll Einar Ben. Gott að fá þessa  ályktun inn á síðuna þína. Þarna er á ferðinni ný sýn á þennan atvinnuveg og kominn tími til. Hverju svarið þið félagar gjaldþrotaspádómum LÍÚ. Er búið að útfæra þessar hugmyndir eitthvað varðandi gjaldtöku og slíkt. Sjávarútvegurinn er ekki mín sterka hlið, þekki kaupfélags og bændageirann betur. Helmingur af íbúum Húnaþing vestra býr í dreifbýli og það er að stórum hluta bændafólk.

[Tryggvi Helgason (IP-tala skráð) 2.4.2009 kl. 22:44]

Ef þetta, - sem hér er ofanskráð, - er hin raunverulega stefna Samfylkingarinnar, þá er augljóst að það er skýr stefna vinstri flokkanna að koma öllum fiskveiðum Íslendinga undir algjört kommúnistakerfi.

Frelsi til fiskiveiða verður þar með algjörlega þurrkað út, og verður ekki lengur til á Íslandi.

Er þetta virkilega það sem íslenska sjómannastéttin vill kalla yfir sig, - ég bara spyr ?

Ef Íslendingar vilja ekki kommúnistakerfi í fiskveiðum, - þá þurfa þeir að vanda val sitt í næstu kosningum.

Tryggvi Helgason

[Einar Ben, 3.4.2009 kl. 08:52]

"Tryggvi  Helgason"

Það er ljóst að það er verið að opna kerfið með þessum tillögum og veita öllum aðgang að auðlindinni, hvernig geta frjálsar handfæraveiðar talist til kommúnistakerfis? Möguleikar á nýliðun verða töluvert betri þegar öllum verður gert kleift að leigja til sín aflaheimildir.  Það verða ekki bara fáir útvaldir sem fá að veiða fiskinn okkar, sjávarauðlindin er eign okkar allra, og það eiga þ.a.l. allir að hafa jafnan rétt til að nýta hana.

Fríða:

Gjaldþrotaspádómar þeirra LÍÚ manna er í besta falli hlægilegir, framkvæmdastjóri Vinnslustöðvarinnar heldur því fram í Fbl. í gær að eftir kostnað standi einungis 1,9kr eftir af hverju veiddu kílói. Ég vona að vel hugsandi fólk kaupi ekki þetta bull. Ég held að þessir menn ættu að íhuga að finna sér e-ð annað að gera. Kassadama í Bónus er sennilega á hærri launum en blessaðir útgerðamennirnir sem eru að lepja dauðann úr skel, miðað við þetta.

Áróður LÍÚ er ekkert annað en hræðsluáróður, þar á bæ eru menn hræddir um að missa stjórnina á fiskveiðiauðlindinni OKKAR, sem þeir telja sig eiga.

Varðandi einstaka útfærlsur á kerfinu þá er uppi hellingur af hugmyndum sem sérfræðingar í samvinnu við alla hagsmuna aðila sjávarútvegsins munu úfæra nánar þegar lengra er komið.

Jens:

Það er vissulega rétt að m.a. þingmenn Alþýðuflokks og Allaballa greiddu atkvæði með framsalinu á sínum tíma, sjálfsagt í góðri trú, en ljóst er að kerfið hefur verið misnotað, sér í lagi eftir að menn fóru að geta veðsett aflaheimildirnar fyrir allt að 4000kr. kg. Sem hefur leitt til þess að skuldir útgerðarinnar eru í dag um 5000 milljónir.......

Nú er lag að breyta þessu, loksins hefur einhver af stóru flokkunum sýnt kjark til að taka á þessu og breyta kerfinu í réttlátara kerfi, Samfylkingin hefur kjark og slagkraft til þess.

kv.